Проектот TINKERVERSE – SkillBuilders Lab: Tinker, Discover, Learn!, финансиран преку програмата Erasmus+, успешно го организираше својот прв онлајн Stakeholder Launch Event, кој собра над 100 учесници од повеќе европски земји и ја потврди растечката важност на инклузивното Maker образование.
Настанот, одржан на 18 јуни 2026 година, предизвика голем интерес кај образовната и професионалната заедница. Вкупно 167 учесници од девет европски земји се регистрираа, додека повеќе од 100 активно се приклучија на онлајн сесијата. На настанот активно учество зедоа 37 учесници од 6 основни училишта од РС Македонија. Големиот одзив и активното учество на европските партнери претставуваат силен показател дека интересот за Maker образованието континуирано расте и дека TINKERVERSE успешно создава простор за размена на знаења, искуства и иновативни образовни практики кои ќе придонесат за поквалитетно и подостапно образование низ Европа.
Линк до настанот од официјалната веб страна на проектот.
Организацијата на настанот беше предводена од NHL Stenden University of Applied Sciences, како лидер на Работниот пакет 6, задолжен за комуникација, вклучување на засегнатите страни, дисеминација на резултатите, градење заедница и обезбедување долгорочна одржливост на проектот.
TINKERVERSE е европски Erasmus+ проект посветен на таканареченото Maker Education – иновативен пристап во образованието кој им помага на децата и младите да развијат креативни, дигитални и вештини за решавање проблеми преку практична работа и проектно учење.
Во проектот соработуваат училишта, универзитети, организации од областа на образованието од повеќе европски земји со цел да разменат искуства од образовните практики кои ги имплементираат во сопствените земји. Посебен акцент се става на инклузијата, овозможувајќи им на децата од различни средини и со различни потреби активно да учествуваат во планираните проктни активности.
Во рамки на проектот се планира да се собираат и валидираат добри практики, и да се креираат едукативни материјали за наставници и ученици. Проектот исто така нуди обуки и практични ресурси за интегрирање на Maker Education во училиштата.
Резултатите од проектот ќе вклучуваат:
- Наставни материјали и ресурси
- Примери на добри наставни практики
- Програми за обука на наставници
- Препораки за училишта и организации
Целта на овој настан беше да ги запознае професионалците во областа на образованието и креаторите на образовни политики со проектот, неговите цели, работни пакети, првични резултати и идни активности.
Учесниците на состанокот беа запознати како можат да ги следат проектните активности преку официјалната веб-страна на проектот, билтенот и социјалните медиуми. На крајот беше спроведена и **Q&A сесија** за прашања, идеи и повратни информации кои ќе им помогнат на сите заинтересирани учесници да се зголеми влијанието на проектот во образовната заедница и проширување на мрежата на TINKERVERSE проектот во насока на идна соработка.
#TINKERVERSE #SkillBuildersLab #ErasmusPlus #STEAM #MakerSpaces #CreativeLearning #EUProjects #STEAMEducation #LearningByMaking #HandsOnLearning #FutureSkills
