Лабораторија за градење вештини: Развивај, откривај, учи!

Образованието има клучна улога во подготовката на децата и младите за предизвиците и можностите што ги носи иднината. Во свет што брзо се менува под влијание на технолошкиот развој, дигиталната трансформација и глобалните општествени промени, не е доволно учениците да стекнуваат само знаења. Современото образование треба да поттикнува критичко размислување, креативност, соработка, дигитална писменост и способност за решавање проблеми, овозможувајќи им на младите успешно да се приспособуваат на новите околности и активно да придонесуваат кон развојот на општеството.

Tinkerverse е европски проект Erasmus+ кој е наменет да им овозможи на децата и младите да развијат важни вештини кои ќе им бидата потребни во иднината. Преку образованието за создавачи, учениците истражуваат, дизајнираат, создаваат и соработуваат додека работат на значајни предизвици. Во проектот учествуваат училишта, универзитети и организации од областа на неформалното образование од различни европски земји, кои преку меѓусебна соработка развиваат иновативни средини за учење и современи образовни активности за деца и ученици на возраст од 3 до 15 години.

Главниот фокус на проектот е поставен на развивање:

• Основни вештини како што се писменост, математика и наука
• Дигитални вештини и технолошко разбирање
• Креативност и решавање проблеми
• Инклузивно образование и еднакви можности
• Одржливо и учење ориентирано кон иднината
  
  
  Партнери кои го реализираат проектот:
• Universidad de Burgos (Spain) – Project Coordinator
• HAMK University of Applied Sciences (Finland)
• NHL Stenden University of Applied Sciences (The Netherlands)
• Howest University of Applied Sciences (Belgium)
• Polytechnic Institute of Cávado and Ave – IPCA (Portugal)
• Regional Ministry of Education of Castilla y León (Spain)
• ReadLab P.C. (Greece)
• Friends of Education (North Macedonia)
• Municipality of Galati (Romania)
  
  Во период од април 2026 година до март 2029 година, проектот Tinkerverse ќе биде насочен кон реализирање на следните цели:
• Идентификување и валидација на ефективни интердисциплинарни, едукативни практики усогласени со GreenComp за зајакнување на основните компетенции во раното и основното образование, особено за ранливите групи на ученици.
• Дизајнирање, имплементација на активности за учење засновани на практична работа и проектно учење, со цел поттикнување на креативноста, решавањето проблеми и клучните компетенции кај учениците на возраст од 3 до 15 години.
• Развивање и споделување на повеќејазични отворени образовни ресурси прилагодени на различни ученици и контексти, обезбедувајќи инклузивен пристап до иновации.
• Спроведување на комбинирана програма за обуки усогласена со GreenComp, наменети за наставници и студенти од педагошките факултити (идни нставници).
• Изградба на европска мрежа на институции од формалното и неформалното образование, наменета за поттикнување на соработка, иновации и размена на знаење меѓу училиштата и засегнатите страни.
• Генерирање препораки за образовни политики засновани на докази и истражување како поддршка на одржливоста, на резултати од проектот.
  
  Официјалната страна на проектот е достапна на следниот линк: https://tinkerverse.eu
  
• Sign up for the newsletter
  I have read and accept the terms and conditions and the privacy policy
  
• Follow Tinkerverse on a social media
  
  facebook
  LinkedIn
  Instagram